Meänkieli (meänkieli)
Tietoja sulle joka puhut meänkieltä.
Näin se toimii
Sulla häätyy olla e-postiosote käytettävissä ennen kun saatat varata keskustelun. Sie saatat puhua käsittelijän kans taatturin kautta viiteokeskustelussa eli telefoonin kautta.
Kun olet varanu aijan sie saat e-posti-ilmotuksen missä on länkki. Klikkaa länkhiin jonku minuutin ennen kun sinun keskustelu alkaa.
Jos et mene sisäle kohtauksheen e-posti-ilmotuksen länkin kautta met soitama sen eestä sulle sillä numerola mitä olet jättäny.
Vieraile kontturia
Meän palvelukontturissa sie saatat saa tietoja kuinka sie ilmotat ja haet, sekä apua käyttää meän e-palveluita.
Hae korvausta osotheelta fk.se
Ko sie saat hammashoitoa Suomessa sie saatat hakea korvausta Försäkrinkikassalta. Sie saatat saaja korvausta niin privatista ko julkisesta hammashoijosta ja lääkheistä jokka oon resäptilä.
Sulla oon oikeus korvauksheen jos
- Sie olet vakkuutettu hoitoetuile Ruottissa. (Ylheensä sie olet vakkuutettu Ruottissa jos sie asut elikkä olet töissä täälä, joitaki poikkeuksia oon.)
- Hoito olis maksettu julkisella sektorilla jos sie olisit saanu sen Ruottissa.
- Hoitoa annethaan oikeutetulta terhveys- ja saihraanhoitohenkilökunnalta.
Hae korvausta:
Lue lissää Försäkrinkikassan webbipaikalta:
Sinun oikeus käyttää meänkieltä Vakkuutuskassan kontaktissa
Sie joka kuulut kansalisheen vähemisthöön sulla on oikeus käyttää sinun kieltä Vakkuutuskassan kontaktissa.
Sulle joka puhut vähemistökieltä tietoja meänkielelä oikeuksista ja velvolisuuksista