Keep in mind...
You are using an older version of your web browser. This means that you might not be able to use all of the functions of the website. We recommend that you update to a newer version.

Du vuoigatvuođat ja geatnegasvuođat go dus lea oktavuohta Dáhkádusgássain

Dás sáhtát lohkat eanet lágaid ja njuolggadusaid birra mat leat fámus Dáhkádusgássái eiseváldin ja dutnje álbmogin.

Almmolaš áššebábir

Eanemus áššebáhpirat mat vurkejuvvot eiseválddis leat almmolaš áššebáhpirat. Dat mearkkaša ahte visot geat orrut Ruoŧas sáhttet váldit oasi dain. Dat guoská eanemus oassái maid daid geat eai leat ruoŧa ássit. Prentenfriddjavuođalágas čilgehuvvojit makkár áššebáhpirat leat juste almmolaš áššebáhpirat ja got eiseváldi galgá bargat vai don oaččut oasi dain.

Čiegusvuohta

Dan guhte lea virgáiduvvon eiseválddi luhtte lea ožžon diehtit čiegus dieđuid ja lea geatnegahtton čuovvut čiegusvuođa sihke su virggis ja maŋŋil go lea loahpahan virggi. Dat guoská maid eanemus bargogohččun olbmuide ja iežáid geat oassálaste eiseválddi doaimmas, ovdamearkka dihte dulkkat ja jorgaleaddjit. Muhtin eavttuid vuođul virgeolbmot ožžot guođđit dieđuid ovdamearkka dihte iežá eiseválddiide. Gávdnojit spiehkastagat goas čiegusvuohta ii lea fámus, ovdamearkka dihte dasa gii lea bealli ovtta áššis. Mearrádusat čiegusvuođa birra gávdnojit almmolaš- ja čiegusvuođalágas.

Dáhkádusgássa registtar persovdnadieđuiguin

Visot geat gullot sosiáladáhkádussii, namalassii meastui visot geat orrut Ruoŧas ja leat deavdán 16 jagi, gávdno sosiáladáhkádusregistaris. Lea dárbbašlaš vai Dáhkádusgássa galgá sáhttit máksit buhtadusaid ja doarjagiid, ovdamearkka dihte buohcceruđa, váhnenruđa ja mánádoarjaga. Njuolggadusat registarii gávdno sosiáladáhkádusa váldolágas ja persovdnadiehtolágas.

Du vuoigatvuohta dihtui mii Dáhkádusgássas lea du birra

Dus lea riekti diehtit makkár dieđut Dáhkádusgássas lea du birra ja got mii gieđahallat daid. Dus lea vuoigatvuohta váldit oasi dieđus nuvttá oktii jahkái.

Čállit vuollái gudniin ja oamedovdduin

Go čálát vuollái skovi gudniin ja oamedovdduid de mearkkaša ahte don duođaštat ahte dieđut leat riekta ja duođat. Dan guhte deavdá dievasmeahttun dehe boastut dieđuid ja čállá vuollái gudniin ja oamedovdduin sáhttá leat sivalaš doarjjarihkkumii.

Dus lea riekti gáibit ođđa geahččaleami Dáhkádusgássa mearrádusas

Jus leat duhtameahttun Dáhkádusgássa mearrádusain de sáhtát gáibidit ahte mii ođđasit geahččalit dan. De mii váldit oasi du oainnuin ja dahkat ođđa geahččaleami áššis. Mii geahččat sihke vejolaš ođđa vuođuid ja visot mii gávdno áššis ovddibun.

Ná barggat go gáibidat ođđa geahččaleami:

  1. Čále reivve minsiidda gos muitalat ahte gáibidat ođđa geahččaleami mearrádusas. Dieđit mearrádusa beaivemeari ja maid mearrádus guoská. Muital got ja manin don háliidat ahte mearrádus galgá rievdaduvvot.
  2. Sádde du gáibádusa ođđa geahččaleapmái dan kontuvrii mii mearrida. Čujuhus lea mearrádusas bajilčállaga It go leat duhtavaš mearrádusain vuolde.

Don fertet sáddet sisa du gáibádusa ođđa geahččaleapmái ovdal viissis áiggi maŋŋil go leat ožžot mearrádusa. Dat čužžo mearrádusas man guhkes áigi dus lea.

Jus don geavahat sáttaolbmo de don galggat dieđihit sáttaolbmo nama, čujuhusa ja telefovdnanummara minsiidda. Dalle mii váldit vuhtii jus dárbbahuvvo čálalaš fápmudus ja jus fertet vuosehit fápmudusa originálas. Jus don leat juo guođđán fápmudusa áššis dalle it dárbbaš sáddet sisa dan fas.

Dus lea vuoigatvuohta váidalit ođđageahččalanmearrádusa

Jus leat duhtameahttun Dáhkádusgássa ođđageahččalanmearrádusain de sáhtát váidalit dan hálddahusriektái.

Ná barggat:

  1. Čále reivve gos dieđihat makkár mearrádusas lea sáhka, got don háliidat ahte mearrádus galgá rievdaduvvot ja manin. Čále maid iežat nama, persovdnanummara, čujuhusa ja telefovdnanummara.
  2. Sádde du váidaleami ođđageahččalanossodahkii, čujuhusa oaidná ođđageahččalanmearrádusas.

Jus don geavahat sáttaolbmo de don galggat dieđihit sáttaolbmo nama, čujuhusa ja telefovdnanummara minsiidda. Duopmostuollu váldá vuhtii jus dárbbahuvvo čálalaš fápmudus ja jus ferte vuosehit fápmudusa originálas.

Dat lea Dáhkádusgássa mii sádde váidaleami hálddahusriektái maŋŋil go lea dárkkistan ahte du váidaleapmi lea boahtán sisa rivttes áiggis.

Jus don oaivvildat ahte hálddahusrievtti mearrádus lea boastut de sáhtát váidalit gámmirriektái ja maŋemusat Alimus hálddahusduopmostullui.

Dus lea riekti gáibidit vahátbuhtadusa

Jus don oaivvildat ahte Dáhkádusgássa lea dagahan vahága dutnje ja don háliidat ekonomalaš buhtadusa de sáhtát gáibit vahátbuhtadusa.

Dan barggat nu ahte čálát reivve gos gáibidat vahátbuhtadusa. Reivves čálát man láhkai don oaivvildat ahte Dáhkádusgássa lea bargan boastut dehe suostán ja makkár vahága leat dagahan dutnje. Čále maid du nama, čujuhusa ja iežá oktavuođadieđuid ja mielas fal du persovdnanummara.