Keep in mind...
You are using an older version of your web browser. This means that you might not be able to use all of the functions of the website. We recommend that you update to a newer version.

Tire hakaja thaj obligacie kana keres kontakto e Agenciasa vašo Socialno Arakhipe

Akate šaj te drabares/čitisares vašo zakonora thaj regulacie phanle e Agenciasa vašo Socialno Arakhipe sar autoriteto/vlast thaj vaš tute sar dizutno.

Publik/javno dokumento

Buteder tare dokumentora ikerde tar autoriteto si publik/javno dokumentora. Kava vakerel kaj sako jek savo dživdisarel ani Švedia si hakajenca te resel dži lende. Akava si čače ke buteder kejsora, numaj thaj godolenge kola naj Švediake dizutne. O Regulacie vašo tromalipe/sloboda taro mediumia kerel vakeripe save dokumentora akana si publik/javno dokumentora thaj sar o autoriteto ka del tumenge resipe dži lende.

Pakjivipe

Sako jek kova si butjarno ani agencia thaj siklilo o pakjivale informacie halas sovli vašo garavdipe thaj džikana si ani buti thaj kana lesko butjarnipe avel dži krajo/agorisarel. Akava si jekajek thaj e bute dženenge kola kerde kontraktora thaj vaver save arakhen pes ande aktivipa katari agencia, sar so si tumačia thaj translatora. Telal varesave kondicie, e butjarne šaj te pučaren varesavi informacia jekhe momentoske e vavere autoritetenge. Si ekskluzie kana naj pakjivipe, sar egzamplo, godolenge kola si involvirime ani buti. E butja phanle e pakjivipasa arakhen pe ango Akto vaš Oficialna Garavdipa.

Registracia tare personalno evidentora/podatkora katari Agencia vašo Socialno Arakhipe

Sako jek kole si socialno arakhipe, skoro sako jek kova dživdinel ani Švedia thaj si le majbut katare 16 berša, si ande garavimasko sistemo vaši socialno arakhipe. Akava si važno/importantno ći te šaj i Agencia vaši Socialno Arakhibe te pokinel o benefitora thaj lovengo leipe, sar so vašo nasvalipe/namboripe, dajake thaj dadeske benefitora thaj čhaveske benefitora. O pravila vašo garavimasko sistemo si ando Kodo vaši Socialno Arakhipe thaj o Akto vašo Personalno evidentora/podatkora.

Tiro hako ki informacia vaš kodo so e Agencia vašo Socialno Arakhipe si la vaš tute

Si tu hako te džanes savi informacie si ki Agencia vašo Socialno arakhipe vaš tute thaj sar tretiril la. Si tu hako te resel dži informacia bilovengo jek drom ando berš.

Hramosaripe dejbasa sovli

Kana hramosares forma dejbasa sovli godova vakerel kaj le informacia si celo/sahni thaj čače. Le dženo savo či pherol celo/sahni ja dela načačutni informacia thaj hramosarel la dejbaja sovli šaj te ovel došalo/bango kaj hohavda či te lel benefito.

Si tu hako te rodes palem dikhipe vaši decizia katari Agencia vašo Socialno Arakhipe

 

Te naj san čalo/zadovolno e deciziasa katari Agencia vaši Socialno Arakhipe, šaj te rode palem te dikhen ola. Pal kodo ka las varesavo taro tire komentara thaj ka keras nevo dikhljaripe vašo kejso. Dikhas ke soduj šajimata vaši neve buča sar evidenso/dokaz thaj sa so sasa ande kejso džiakana.

Ake sar te rodes palem dikhljaripe:

  1. Hramosar amenge lil saveste ka vakeres kaj rodes te dikhljaras palem i decizia. De amenge i data tari decizia thaj vaši so vakerel pe. Vaker amenge soske kames te irisarel pe/smenisarol pe i decizia.
  2. Bičhal to rodipe vaši palem dikhljaripe e ofisoske/kancelariake savi andas i decizia. I adresa si andi decizia telal o hramosaripe te na sijan čalo/zadovolno e deciziasa.

Tu musaj/mora te bičhales ti aplikacia vaši palem dikhipe ko varesavo vaxti/vrama taro kana reslas tuke i decizia. Andi decizia phenol pe kobor/kozom vaxti/vrama si tu godoleske.

Te angažirisardan agento, trubul te vakeres amenge o alav, adresa thaj telefonesko numero tar agento. Pal kodo amen ka anas decizia trubul li hramosardo polnomošno/avukateski zor thaj musaj li o polnomošno/avukateski zor te del pe ando orginal. Te dijan džiakana polnomošno/avukateski zor ko kejso, či trubil te irisare la palpale.

Si tu hako te des rovimata vaši decizia so sas palem dikhljardi

Te najsan čalo/zadovolno e palem dikhljarimasa vaši decizia katari Agencia vašo Socialno Arakhipe, šaj te des rovimata ando administrativno krisi.

Sar te keres kodo:

  1. Also include your name, social security number, address and telephone number. Hramosar lil koleste ka phenes sosar si phanli i decizia, sar kames i decizia te irisarel pe/smenisarel pe. Ko jek čhuv vi tiro alav, o numero taro socialno arakhie thaj o telefonesko numero.
  2. Bičhal to rovimata e palem dikhipaske jekhinake/kotoreske, i adresa arakhel pe ki decizia vaši palem dikhljaripe.

Te angažirisardan agento, de e agentesko alav, adresa thaj telefonesko numero. O krisi anela decizia trubul li hramosardo polnomošno/avukateski zor thaj trubul li te sikavel pe o orginal.

I Agencia vaši Socialno Arakhipe bičhalela to rovimata e administrativno kriseske pala ko verificiripe kaj tiro rovimata reslas ko vaxti/vrama.

Te gindisardan kaj i decizia kataro administrativno krisi si bangi, šaj te keres rovimata e Aministrativno Kriseske vašo Rovimata thaj majagorale dži ko Majučo Administrativno Krisi.

Si tu hako te rodes kompenzacia

Te gindisardan kaj i Agencia vašo Socialno Arakhipe kerdas tume bilačhipe thaj kames finansiaki kompenzacia šaj te rodes kompenzacia .

Tu keres kodo hramosarimasa lil koleste ka rodes kompenzacia. Akale lileste, tu vakeres sar i Agencia vašo Socialno Arakhipe kerdas doš/bangipe ja bičačimata thaj savo phagimata kerdas tuke. Ano jek čhuv tiro alav, adresa thaj vaver kontakt informacie thaj tiro numero vašo socialno arakhipe.