Keep in mind...
You are using an older version of your web browser. This means that you might not be able to use all of the functions of the website. We recommend that you update to a newer version.

דײַנע רעכט און שולדיקײטן אין פֿאַרבינדונג מיט דער אַגענטור פֿאַר דער סאָציאַלער פֿאַרזיכערונג

דאָ קענסטו לײענען װײַטער װעגן געזעצן און כּללים װעגן דער אַגענטור פֿאַר דער סאָציאַלער פֿאַרזיכערונג (Försäkringskassan) װי אַ מלוכישן אינסטאַנץ און װעגן דיר װי אַ בירגער.

עפֿנטלעכע דאָקומענטן

ס'רובֿ דאָקומענטן בײַ מלוכישע אינסטאַנצן זײַנען עפֿנטלעכע דאָקומענטן. דאָס הײַסט אַז יעדער שװעדישער אײַנװוינער האָט דאָס רעכט צו באַטראַכטן זײ. מע דאַרף  ס'רובֿ מאָל ניט זײַן אַ שװעדישער בירגער. אין דער קאָנסטיטוציאַנעלער פֿרײַהײט פֿון דרוק דערקלערט מען װעלכע מינים דאָקומענטן זײַנען טאַקע עפֿנטלעכע דאַקומענטן און װי אַזוי די מלוכישע אינסטאַנצן מוזן מאַכן זיכער אַז דו קענסט זײ באַטראַכטן.

בסודיקײט

אַן אַרבעט-נעמער בײַ אַ מלוכישן אינסטאַנץ װאָס האָט געזען בסודיקע אינפֿאָרמאַציע מוז האַלטן די דאָזיקע אינפֿאַרמאַציע בסוד אי אין משך פֿון דער באַשעפֿטיקונג אי נאָך דעם װאָס דער באַשעפֿטיקונג האָט זיך פֿאַרענדיקט. אויך ס'רובֿ אונטערנעמערס און אַנדערע װעלכע באַטײליקן זיך אין דער אַרבעט פֿון דעם אינסטאַנץ, למשל איבערזעצערס, מוזן דאָס טאָן. אַ פּאָר מאָל קערט אַן אַרבעט-נעמער אַרויסגעבן אינפֿאָרמאַציע צו אַנדערע אינסטאַנצן. עס טרעפֿט זיך אַז מע איז דערלויבט צו באַטראַכטן אַ טײל בסודיקע אינפֿאָרמאַציע, למשל אויב מע איז אַ טײל פֿון אַ יורידישן פּראָצעס. די באַשטימונגען װעגו בסודיקײט זײַנען דאָ אינעם געזעץ װעגן עפֿנטלעכקײט און בסודיקײט.

דײַנע פּאַרשוין־אינפֿאָרמאַציעס

די אַגענטור פֿאַר סאָציאַל־פֿאַרזיכערונג (Försäkringassan) האַלט אַ סך מין אינפֿאָרמאַציעס װעגן פּאַרשוינען. עס זײַנען דאָ געזעצן און כּללים װעגן װי אַזוי מע טאָר באַניצן די דאָזיקע אינפֿאָרמאַציעס. די געזעצן און כּללים זײַנען דאָ כּדי צו באַשיצן דײַנע פּאַרשוין־אינפֿאָרמאַציעס און דײַן פּערזענלעכע אינטעגריטעט. דאָ קענסטו לײענען װעגן פּאַרשוין־אינפֿאָרמאַציעס אין אַלגעמײן, װי אַזוי מיר באַהאַנדלען די פּאַרשוין־אינפֿאָרמאַציעס, געזעצן און כּללים און דײַנע רעכט.

װאָס איז פּאַרשוין־אינפֿאָרמאַציעס?

פּאַרשוין־אינפֿאָרמאַציעס זײַנען אַלע די אינפֿאָרמאַציעס װעלכע האַנדלען זיך װעגן אַ פּאַרשוין. למשל, פּאַרשוין־נומער, נאָמען און אַדרעס אָבער ס'קען אויך זײַן אַ בילד, געשיכטע פֿון קרענק אָדער אַ רעגיסטער־נומער פֿון אַן ענין.

צו באַהאַנדלען פּאַרשוין־אינפֿאָרמאַציעס

װען מע רעדן װעגן באַהאַנדלונג פֿון פּאַרשוין־אינפֿאָרמאַציעס קען עס האָבן צו טאָן מיט כּמעט אַלצדינג װאָס האַנדלט זיך װעגן די אינפֿאָרמאַציעס. למשל װעגן צו לײענען, אויפֿזאַמלען, רעגיסטרירן, אויפֿהיטן, פֿאַרגלײַכן אָדער דרוקן די אינפֿאָרמאַציעס.

אַזוי באַהאַנדלט די אַגענטור פֿאַר סאָציאַל־פֿאַרזיכערונג די פּאַרשוין־אינפֿאָרמאַציעס

די אַדענטור פֿאַר סאָציאַל־פֿאַרזיכערונג באַהאַנדלט פּאַרשוין־אינפֿאָרמאַציעס װען ס'קומט צו פֿאַרשײדענע ענינים. למשל קראַנקנגעלט, עלטערנגעלט, קינדערגעלט און װוינגעלט.

מיר טאָר בלויז באַהאַנדלען פּאַרשוין־אינפֿאָרמאַציעס אין ספּעציעלע פֿאַלן, למשל װען ס'קומט צו:

  • פּראָצעזירן ענינים
  • אינפֿאָרמירן װעגן דער סאָציאַל־פֿאַזיכערונג
  • פּלאַנירן, אָנפֿירן און אָפּשאַצן אונדזער אַרבעט
  • צונויפֿזאַמלען סטאַטיסטיק
  • טײלן די אינפֿאָרמאַציעס מיט אַנדערע מלוכישע אינסטאַנצן.

די אַגענוטר אַרבעט כּסדר צו זיכער באַהאַנדלען פּאַרשוין־אינפֿאָרמאַציעס און אָפּשאַצן די קװאַליטעט, למשל דורך אויספֿירן טעסטן אין דעם IT־סיסטעם. ס'טרעפֿט זיך, אַז מיר מוזן באַהאַנדלען דײַנע פּאַרשוין־אינפֿאָרמאַציעס אין דער דאָזיקער אַרבעט.

די אַגענטור אַרבעט צו פֿאַרהיטן אומגערעכטע באָצאָלונגען. דערפֿאַר, קאָנטראָלירן מיר פֿון צײַט צו צײַט אַפּליקאַציעס. ס'טרעפֿט זיך אַז מיר מוזן באַהאַנדלען דײַנע פּאַרשוין־אינפֿאָרמאַציעס אין אַזעלכע קאָנטראָלן.

מיר טאָרן בלוז אויפֿהיטן פּאַרשוין־אינפֿאָרמאַציעס אַזוי לאַנג װי מיר נײטיקן זיך אין זײ. עטלעכע מינים אינפֿאָרמאַציעס מעגן מיר אָבער יאָ אויפֿהיטן אין אַרכיװן צוליב אַלגעמײנעם אינטערעס, פֿאָרשונג אָדער סטאַטיסטיק.

אַזוי זאַמלען מיר צונויף און טײלן די אינפֿאָרמאַציעס

מיר טאָרן בלויז צונויפֿזאַצלען אינפֿאָרמאַציעס װעלכע מיר נײטיקן זיך אין פֿאַר די פֿאַרשײדענע ענינים.

מיר באַקומען ס'רובֿ פּאַרשוין־אינפֿאָרמאַציעס פֿונעם אַקטועלן פּאַרשוין אַלײן. ס'טרעפֿט זיך, אָבער, אַז מיר קריגן אינפֿאָרמאַציעס פֿון אַנדערע מלוכישע אינסטאַנצן, למשל פֿון דער שטײַער־אַגענטור (Skatteverket), דער אַדמיניסטראַציע פֿאַרן שטודענט־געלט (CSN), דער אַרבעט־אַגענטור (Arbetsförmedlingen) און די אַדמיניסטראַציעס פֿאַרן אַרבעטסלאָז־געלט (A-kassorna) .

ס'טרעפֿט זיך אַז מיר גיבן אַרויס פּאַרשוין־אינפֿאָרמאַציעס צו אַנדערע מלוכישע איסטאַנצן, למשל צו דער שטײַער־אַגענטור, דער אַדמיניסטראַציע פֿאַרן שטודענט־געלט (CSN), דער דורכפֿיר־אַגענטור (Kronofogdemyndigheten), דער פּענסיע־אַגענטור (Pensionsmyndigheten), דער מלוכישער אַדמיניסטראַציע פֿאַרן אַרבעט־פּענסיע (Statens tjänstepensionsverk) און די קאָמונעס. מיר גיבן אַרויס די אינפֿאָרמאַציעס למשל װען דו האָסט באַקומען געלט פֿון אונדז. מיר גיבן נאָר אַרויס אינפֿאָרמאַציעס װעלכע מיר טאָרן אַרויסגעבן.

מיר גיבן אויך אַרויס אינפֿאָרמאַציעס צו אַנדערע באַקומערס. למשל צום באַנק כּדי צו איבערפֿירן געלט צו דיר.

ס'טרעפֿט זיך, אַז מיר מוזן געבן אָדער באַקומען פּאַרשוין־אינפֿאָרמאַציעס פֿון אַ מלוכישער אינסטאַנץ אין אַן אַנדער לאַנד, אין דעם אײ"פֿ און מחוץ דעם אײ"פֿ (פֿון אַן, אַזוי גערופֿן, דריטן לאַנד). למשל װען דו אַרבעט אָדער האָסט געאַרבעט דאָרטן, אָדער װען דו אָדער עמעצער פֿון דײַן משפּחה װוינען דאָרטן.

דײַנע רעכט

דו האָסט אַ רעכט צו זען די פּאַרשוין־אינפֿאָרמאַציעס װעגן דיר און װעלכע פֿון זײ מיר האָבן בײַ דער אַגענטור פֿאַר סאָציאַל־פֿאַרזיכערונג. כּדי צו באַשטעלן אַן אויסצוג פֿון אונדזער רעגיסטער דאַרפֿסטו ניצן דעם אָ פֿאָרמולאַר.

Blankett 9352

דו האָסט אַ רעכט צו פֿאָדערן:

  • אַז מיר קאָריגירן נישט ריכטיקע אינפֿאָרמאַציעס
  • אַז מיר, אין אַ פּאָר פֿאַלן, קאָמפּלעטירן נישט פֿולשטענדירע פּאַרשוין־אינפֿאָרמאַציעס.
  • אַז מיר, אין אַ פּאָר פֿאלן, נישט באַהאַנדלען דײַנע פּאַרשוין־אינפֿאָרמאַציעס.

װען מיר באַקומען דײַן בקשה מוזן מיר דערצײלן װאָס מיר װעלן טאָן מיט איר אַזוי גיך װי מיגלעך.

די דאַטן־אינספּעקציע איז די מלוכישע אינסטאַנץ װאָס זאָל צוזען אַז די באַהאַנדלונג פֿון פּאַרשוין־אינפֿאָרמאַציעס נישט דערפֿירן צו דעם װאָס אינדיװידנ'ס פּריװאַטקײט װערט קאָמפּראָמענטירט (Otillbörligt intrång). װילסטו באַקלאָגן זיך װעגן װי אַזוי די אַגענטור פֿאַר סאָציאַל־פֿאַזיכערונג באַהאַנדלען דײַנע פּאַרשוין־אינפֿאָרמאַציעס מוזטו שטעלן זיך אין פֿאַרבינדונג מיט דער דאַטן־אינספּעקציע. אינפֿאָרמאַציע װעגן דעם איז דאָ אויף

www.datainspektionen.se

די אַגענטור פֿאַר סאָציאַל־פֿאַרזיכערונג טראָגט דאָס אַחריות װען ס'קומט צו פּאַרשוין־אינפֿאָרמאַציעס, דאָס הײסט אַז מיר מוזן באַהאַנדלען דײַנע אינפֿאָרמאַציעס אויף אַ קאָרעקטן אופֿן. דער פֿאָרשטײער פֿאַר דאַטן־שיץ בײַ דער אַגענטור פֿאַר סאָציאַל־פֿאַרזיכערונג זעט איבער אַז מיר פֿאָלגן די אײ"פֿ־פֿאַראָרדענונג װעדן דאַטן־שיץ (GDPR) און אַנדערע רעלעװאַנטע געזעצן. דער פֿאָרשטײער פֿאַר דאַטן־שיץ איז אויך דער קאָנטאַקט־פּאַרשוין פֿאַר די מיט פֿראַגעס װעגן פּאַרשוין־אינפֿאָרמאַציעס.

קאָנטאַקט־אינפֿאָרמאַציע צום פֿאָרשטײער פֿאַר דאַטן־שיץ:

dataskyddsombud@forsakringskassan.se

די געזעצן און כּללים װעלכע באַשטימען װי אַזוי מיר באַהאַנדלען פּאַרשוין־אינפֿאָרמאַציעס

  • די אײ"פֿ־פֿאַראָרדענונג װעגן דאַטן־שיץ (2016/679)
  • דאָס געזעץ (2018:218) מיט נײַע באַשטימונגען װעגן דער אײ"פֿ־פֿאַראָרדענונג װעגן דאַטן־שיץ
  • קאַפּיטל 114 אינעם טײל שװעדישן געזעץ װעגן סאָציאַל־פֿאַרזיכערונג
  • דאָס געזעץ (2001:99) װעגן דער אָפֿיציעלער סטאַטיסטיק מיט פֿאַראָרדענונגען.

צו אונטערשרײַבן אויף דײַן ערנװאָרט

װען דו שרײַבסט אַן אַפּליקאַציע אונטער אויף דײַן ערנװאָרט צערטיפֿיצירסטו אַז די אינפֿאָרמאַציע איז פֿולשטענדיק און אמתדיק. דער װאָס שרײַבט אַרײַן אומפֿולשטענדיקע אָדער פֿאַלשע אינפֿאָרמאַציע און כאָטש דעם שרײַבט די אַפּליקאַציע אונטער אויף זײַן ערנװאָרט קערט זײַן שולדיק אין אַ פֿאַרזאָרג-פֿאַרברעך.

דו האָסט דאָס רעכט צו פֿאָדערן אַן איבערבאַטראַכטונג פֿון באַשלוסן פֿון דער אַגענטור פֿאַר דער סאָציאַלער פֿאַרזיכערונג

אויב דו ביסט ניט מסכּים מיטן באַשלוס פֿון דער אַגענטור פֿאַר דער סאָציאַלער פֿאַרזיכערונג קענסטו פֿאָדערן אַז מיר באַטראַכטן אים איבער. דאַן װעלן מיר דײַנע באַמערקונגען באַטראַכטן און געבן אַ קוק אויף דײַן פֿאַל נאָך אַ מאָל. מיר באַטראַכטן אי נײַע אי אַלטע אינפֿאָרמאָציע װעגן דעם פֿאַל.

אַזוי טוסטו כּדי צו פֿאָדערן אַן איבערבאַטראַכטונג:

  1. שרײַב אונדז צו אַ בריװ דערצײלן אַז דו װילסט אַז מיר באַטראַכטן אַ באַשלוס איבער. שרײַב די דאַטע און דעם ענין פֿון דעם באַשלוס. דערצײל װי אַזוי און פֿאַר װאַס דו װילסט אַז מיר פֿאַרענדערן דעם באַשלוס.
  2. שיק דײַן פֿאַדערונג פֿון איבערבאַטראַכטונג צו צום ביוראָ װאָס האָט געמאַכט דעם באַשלוס. דער אַדרעס איז דאָ אונער דער קאָפּן-שורה "צי ביסטו ניט מסכּים מיטן באַשלוס".

דו מוזט צושיקן דײַן פֿאָדערונג װעגן איבערבאַטראַכטונג ניט שפּעטער פֿון אַ ספּעציפֿיקער דאַטע נאָך דעם װאָס דו האָסט דעם באַשלוס באַקומען. דו קענסט לײענען אינעם באַשלוס װי לאַנג דו קענסט װאַרטן פֿאַר דעם װאָס דו מוזט פֿאָדערן אַן איבערבאַטראַכטונג.

אויב דו ניצט אַ פֿאָרשטײער מוזטו אונדז דערצײלען דעם פֿאָרשטײערס נאָמען, אַדרעס און טעלעפֿאָן-נומער. מיר װעלן נאָך דעם באַשליסן אויב מיר װילן אַ שריפֿטלעכע פֿולמאַכט און אויב מיר װילן זען דעם אָריגינאַל פֿון דער פֿולמאַכט. האָסטו שוין צוגעשיקט אונדז אַ פֿולמאַכט פֿאַר דער פֿאַל דאַרפֿסטו אונדז ניט צושיקן נאָך אַ פֿולמאַכט.

דו האָסט דאָס רעכט צו אַפּעלירן דעם איבערבאַטראַכטונג-באַשלוס

ביסטו ניט מסכּים מיטן איבערבאַטראַכטונג-באַשלוס פֿון דער אַגענטור פֿאַר דער סאָציאַלער פֿאַרזיכערונג קענסטו אים אַפּעלירן צום פֿאַרװאַלטונג-געריכט.

אַזוי טוט מען:

  1. שרײַב אַ בריװ דערצײלן װאָס באַשלוס דו װילסט אַפּעלירן, װי אַזוי דו װילסט דעם באַשלוס פֿאַרענדערן און פֿאַר װאָס. שרײַב אויך דײַן נאַָמען, אַדרעס און טעלעפֿאָן-נומער.
  2. שיק דײַן אַפּעלאַציע צו צום איבערבאַטראַכטונג-אָפּטײל, דער אַדרעס איז דאָ אויפֿן איבערבאַטראַכטונג-באַשלוס.

אויב דו ניצט אַ פֿאָרשטײער מוזטו שרײַבן דעם פֿאָרשטײערס נאָמען, אַדרעס און טעלעפֿאָן-נומער. דאָס געריכט װעלן באַשליסן אויב עס װילט אַ שריפֿטלעכע פֿולמאַכט און אויב עס װילט זען דעם אָריגינאַל פֿון דער פֿולמאַכט.

די אַגענטור פֿאַר דער סאָציאַלער פֿאַרזיכערונג װעלן דײַן אַפּעלאַציע אַרײַנשיקן צום פֿאַרװאַלטונג-געריכט נאָך דעם װאָס מיר האָבן קאָנטראָלירט אַז דײַן אַפּעלאַציע איז ניט צו שפּעט אַרײַנגעשיקט געװאָרן.

מײנסטו אַז אויך דאָס פֿאֶרװאַלטונג-געריכט האָט אַ טעות געמאַגט װען עס קומט צום באַשלוס קענסטו װײַטער אַפּעלירן צום אַדמעניסטראַטיװן אַפּעלאַציע-געריכט און נאָך דעם העכסטן פֿאַרװאַלטונג-געריכט.

דו האָסט דאָס רעכט צו פֿאָדערן אַן אַנטשעדיקונג

אויב דו מײנסט אַז די אַדמיניסטראַציע פֿאַר סאָציאַלער פֿאַרזיכערונג האָט דיר װײ געטאָן און דו װילסט עקאָנאָמישע קאָמפּענסאַציע קענסטו פֿאָדערן אַן אַנטשעדיקונג.

דו טוסט דאָס דורך שרײַבן אַ בריװ פֿאָדערן אַן אַנטשעדיקונג. אין דעם בריװ דערצײלסטו װי אַזוי די אַגענטור פֿאַר דער סאָציאַלער פֿאַרזיכערונג האָט אומגערעכט אַגירט און װי אַזוי זי האָט דיר װײ געטאָן דערפֿון. שרײַב אויך דײַן נאָמען, אַדרעס און אַנדערע קאָנטאַקט-אינפֿאָרמאַציע און גערן דײַן אידענטיפֿיקאַציע-נומער.