Privatperson

1. Hakemus
Met otama vasthaan sinun hakemuksen korvauksesta internetin kautta, postin kautta elikkä ko sie käyt meilä.   
 
Meän kontturit sie löyät täältä (länkki karttahakemuksheen)

2. Muista
Informasuunista liuskan alla ”Käsittelyaijat ja hyvä tietää” näkkee mikkä perustheet met tarttema ette met saatama päättää sinun oikeuen korvauksheen. Se saattaa esimkerkiksi olla hyyrysopimus jos sie haet asuntoavustusta elikkä toistuksen lapsen poijessaolosta ko sie haet tilapäistä vanheempainrahhaa. Jos sie jätät perustheet jo alusta lähtien met saatama käsitellä sinun asian hopumpaa. Muista täyttää kaikki tiot hakemuksessa ja tehe allekirjotus.

3. Met tehemä arvostelun oikeuen korvauksheen
Met luema sinun asian läpi. Met tahoma sinun kompleteeraahmaan tietoja elikkä perustheita ko tarttee.

4. Päätös
Sie saat ilmotuksen jopa rahan sisälemaksosta elikkä kirjotetun päätöksen (ruottiksi).

Tässä oon informasuunia kunka paljon rahhaa sie saat ja koska net maksethaan ulos.

Jos sie et ole tyytyväinen päätöksen kansa sie saatat vaatia Siukkakassan tutkimhaan asian uuesti. Siinä taphauksessa sie kirjotat preivin Siukkakashaan jossako sie kirjotat minkä päätöksen pittää tutkia uuesti, kunka sie halvaat ette päätös muutethaan ja miksi. Kirjota kansa sinun nimi, henkilönumero, osote ja telefooninumero. Jos sie käytät asiamiestä sie piät lähättää fulmahtin originaalissa. Siukkakassa häätyy saaja preivin kahen kuukauen sisäle siittä päivästä lähtien ko sie olet saanu päätöksen.

5. Koskas rahat tulevat?
Kunka pitkhään se mennee siittä ko sie olet jättäny sisäle sinun hakemuksen siiheen ette sulle tehthään ulosmakso riippuu mistä korvauksesta oon kyse. Aktyellit käsittelyaijat ja ulosmaksopäivät eri etuile sie löyät jos sie klikkaat ”Käsittelyaijat ja tähelistä tietää”.