Privatperson

1. Ohcamuš

Du ohcamuš buhtadusa ovddas oažžut Interneahta bokte, boastta mielde dahje dallego guossástalat min.

Min gántuvrraid gávnnát dás (sválddas gártaohcamii)

2. Muitte

Dieđus ”Gieđahallanáiggit ja buorre diehtit” lohká makkár duogášdieđuid mii dárbbašit go árvvoštallat du rievtti buhtadussii. Sáhttá leat láigosoahpamuš jos ozat orohatdoarjaga dahje duođaštusa jos mánná lea leamas eret o.m.d. skuvllas go ozat gaskaboddosaš vánhenruđa. Jos guođát juo álggus duođaštusaid de sáhttit du ášši gieđahallat farggabut. Muitte fal deavdit visot dieđuid ja namat čállit ohcamuššii.

3. Mii árvvoštallat rievtti buhtadussii

Lohkat du ášši-ohcamuša. Sihtat dus eanet dieđuid dahje duođaštusaid jos lea dárbu.

4. Mearrádus

Don oaččut dieđu sisamáksimis dahje čálalaš mearrádusa (ruoŧagillii).

Dás lea diehtu man olu ruđa don oaččut ja goas daid oaččut

Jos it duđa mearrádussii de sáhtát Dáhkádusgássas gáibidit ođđa gieđahallama. Čális de reivve Dáhkádusgássái gos dieđihat makkár mearrádus galgá geahččaluvvot nuppádis, got háledat ahte mearrádus rievdaduvvo ja manin. Čális maid namat, persovdnanummirat, čujuhusat ja telefovdnanummirat. Jos barggahat ovddasteaddji de galggat maid sáddet originála fápmudusa (fullmávtta) .
Dáhkádusgássa ferte oažžut du reivve guovtti mánus dan beaivvis go ožžot mearrádusa.

5. Goas oaččut ruđaid?

Man guhká ádjána dan beaivvis go guđđet ohcama ovdal ruđaid oaččut lea gitta das makkár buhtadusas lea sáhka. Áigeguovdilis gieđahallanáiggit ja máksinbeaivvit sierra buhtadusaide gávnnat jos rabat báikki “Gieđahallanáiggit ja buorre diehtit”.